ТОШКЕНТ КИМЁ-ТЕХНОЛОГИЯ ИНСТИТУТИДА ЭРАСМУС+ ДАСТУРИНИНГ UZDOC 2.0 ЛОЙИХАСИ ДОИРАСИДА “ДОКТОРАНТУРА МАРКАЗИ” ОЧИЛДИ

15.07.2019

Ҳозирги кунда 2016-2019 йилларда бажарилиши мўлжалланган “Ўзбекистон олий таълим тизимида докторантура таълимининг сифатини ошириш” (UZDOC 2.0: Furthering the Quality of Doctoral Education at Higher Education Institutions in Uzbekistan) мавзусидаги 573703-EPP-1-2016-1-BE-EPPKA2-CBHE-SP рақамли Эрасмус+ дастури лойиҳаси давом этмоқда.

Лойиҳа доирасидаги навбатдаги учрашув 2019 йил 2 июль куни Тошкент кимё технология институтида “Докторантура маркази” очилиш маросим тадбири бўлиб ўтди. Ушбу тадбирда Олий ва ўрта махсус таълим вазирлиги докторантура бўлими рахбари Бахром Исмоилов, Эрасмус+ Миллий идораси координатори А.К.Абдурахманова UNICA бош котиби Kris Dejonckheerе, UNICA лойиҳа ва алоқа бўйича бош матахассис  Ms Aurelie DUCHATEAU, UNICA менеджери Ms Alexandra DUARTE, Cardiff Университети (Буюк Британия)Kennet Vann, Загреб Университети профессори (Хорватия) Melita Kovacevich, Lozan Университети профессори (Швейцария) Jacques Lanares иштирок этдилар.

Ушбу учрашувни шунингдек ҳамкор ОТМлар онлайн тарзда кузатиб турдилар.

Докторантура маркази барча ҳамкор ОТМларда ташкил этилган бўлиб уларнинг асосиай мақсади, диссертацияларнинг дастлабки муҳокамаси, ташқи семинарлар, илмий семинарларни онлайн тарзда масофавий ҳамкорликда ўтказишдан иборат. Шу билан бирга, институтдаги ёш илмий тадқиқотчи ва таянч докторантлар учун тадқиқот методологияси ва илмий янгиликларнинг Европа тажрибалари ўргатилади.