AQSH elchixonasi vakillarining Toshkent kimyo-texnologiya institutiga tashrifi
22.11.2019
O’zbekiston Respublikasi Prezidenti Shavkat Mirziyoyevning 2018 yil AQShga rasmiy tashrifi doirasida ikki mamlakat o’rtasida ta’lim sohasida ikkita anglashuv memorandumi imzolandi. Ushbu memorandum ikki davlat o’rtasida ta’limga etiborni yanada kuchaytirishga xizmat qilib kelmoqda.
Xususan Joriy yilning 22-noyabr kuni AQShning O'zbekistondagi elchixonasi: Jamoatchilik bilan aloqalar bo'yicha mutaxassis Saida Choriyeva, Ta'lim bo'yicha maslahatchi Jamila Nasriddinova, Ingliz tilidagi dasturlar koordinatori Umida Boltayeva hamda Fulbrayt dasturi doirasida O’zbekistonga tashrif buyurgan Aydaho universteti dotsenti Bob Houfton Toshkent kimyo-texnologiya institutiga tashrif buyurdilar.
Delegatsiya bilan tashkil etilgan rasmiy uchrashuvda TKTIda ingliz tilini o‘qitishni yanada rivojlantirish, xorijiy mutaxassislarni o‘quv hamda ilmiy-tadqiqot jarayoniga jalb qilish, AQSH oliy ta’lim muassasalari bilan hamkorlik aloqalarini mustahkamlash borasida fikrlar almashinildi.
Shuningdek, tashrif davomida delegatsiya a’zolari TKTI talabalariga "AQShda stajirovka va ta'lim olish imkoniyatlari" mavzusida seminar-trening o’tkazdilar. Ushbu seminar-treningda institut talabalari o’zlarini qiziqtirgan savollarga javob oldilar hamda ta’limni keyingi bosqichini AQShda davom ettirish haqida muhim ma’lumotlarga ega bo’ldilar.
Seminar-trening yakunida institut talabalariga kichik ko’rgazma tashkil etildi. Talabalar o’zlarini qiziqtirgan savollarga elchixona hodimlari hamda horijiy mutaxassis tamonidan javob oldilar.
TKTI Xalqaro hamkorlik bo’limi,
Matbuot xizmati
