Murojaatnoma targ'iboti

08.01.2021

2021-yil 6-yanvar kuni Toshkent kimyo-texnologiyasi institutining «Noorganik moddalar kimyoviy texnologiyasi» fakultetida Oʻzbekiston Respublikasi Prezidenti Sh.M.Mirziyoyevning 2020-yil 29-dekabrdagi Oliy Majlisga va Oʻzbekiston xalqiga yoʻllagan Murojaatnomasini oʻrganish va mazmun-mohiyatini keng jamoatchilik oʻrtasida targʻib qilish boʻyicha seminar oʻtkazildi.

 

Seminarni fakultet dekani Y.T.Safarov va “Ijtimoiy fanlar” kafedrasi professori O.O.Sirojev olib borishdi. Seminarda Prezident Shavkat Mirziyoyev Oliy Majlisga Murojaatnomasida 2021-yil nomida belgilangan sohalarni tubdan isloh qilish va yana-da rivojlantirish boʻyicha amalga oshirilishi lozim boʻlgan vazifalar boʻyicha batafsil toʻxtalib oʻtildi. Jumladan, 2021-yilda ilm-fan sohasini rivojlantirish yoʻlida qilinadigan ishlar ham qayd etildi. Seminarda fakultet professor-oʻqituvchilari tomonidan fikr-mulohazalar bildirildi. Muxtasar qilib aytganda, muhtaram Prezidentimizning mazkur Murojaatnomasida ilgari surilgan gʻoyalar taʼlim sohasida, umuman, mamlakatimiz taraqqiyotida muhim poydevor boʻlib xizmat qilaveradi.

 

TKTI Matbuot Xizmati