Ishonch telefoni: (+99871) 244-78-49 Pochta Virtual qabulxona

Informatika, avtomatlashtirish va boshqaruv kafedrasi

1991 yil Toshkent kimyo-texnologiya instituti tashkil etilganda, institut tarkibida «Ishlab chiqarish jarayonlarini avtomatlashtirish» kafedrasi tashkil etilib, unga texnika fanlari doktori, professor Asqar Artiqovich Artikov mudirlik qildi. 1996 yil kafedraga «Informatika va hisoblash texnikasi» kafedrasi qo’shilib, «Informatika va avtomatlashtirish» kafedrasi tashkil qilindi. Kafedraga 1998 yildan 2004 yilgacha texnika fanlari nomzodi, dotsent Yunusov Ismat Inogamovich, 2004 yildan 2006 yilgacha kafedraga texnika fanlari doktori, professor Ismatullaev Patxulla Raxmatovich, 2005 yildan professor Asqar Artiqovich Artikov rahbarlik qildilar. 2010 yildan boshlab kafedraga texnika fanlari nomzodi Xamidov Baxodir Tadjiddinovich rahbarlik qilib kelmoqda. Hozirda kafedrada 2 nafar fan doktorlari-professorlar, 12 nafar fan nomzodlari-dotsentlar, 2 nafar katta o’qituvchilar va 10 nafar assistentlar faoliyat ko’rsatib kelmoqda. Kafedrada 2004 yildan boshlab 5521800-“Avtomatlashtirish va boshqaruv” yunalishi bo’yicha bakalavrlar va 5A521802 mutaxassisligi bo’yicha magistrlar tayyorlash hamda 2011 yildan 5311000–“Texnologik jarayonlar va ishlab chiqrishni avtomatlashtirish va boshqarish” va 5A311001–“Texnologik jarayonlar va ishlab chiqrishni avtomatlashtirish” mutaxassisligi bo’yicha magistrlar tayyorlash yo’lga qo’yilgan. Kafedrada o’qitilayotgan fanlarning uslubiy ta’minlanishi bo’yicha uzluksiz ish olib borilib, kafedra yo’nalishi va mutaxassisligi bo’yicha barcha fanlardan ma’ruza matnlari, laboratoriya va amaliy ishlarini bajarish, talabalarni mustaqil ishlarini tashkil etish bo’yicha uslubiy ko’rsatmalar tayyorlanib kelinmoqda. Bakalavr va magistrlar tayyorlashda shaklan va mazmunan yangi laboratoriya ishlarini yaratish ustida ishlar olib borilmoqda. Jumladan, MATLAB, MATHCAD, MVTU, TRACE MODE va dasturlarda asosida yangi laboratoriya ishlari ishlab chiqilib, o’quv jarayoniga tadbiq qilinmoqda. Kafedraning ilmiy-tadqiqot ishlari «Texnologik jarayonlarni matematik modellashtirish, optimallashtirish va avtomatlashtirish» mavzulari bo’yicha olib borilmoqda. Ilmiy-tadqiqot ishlarining ko’p qismi oziq-ovqat texnologik jarayonlarini jadallashtirishga bag’ishlangan. Bular jumlasiga «Qishlok xo’jalik mahsulotlarini quritish va ularning poroshoklarini olish», «Paxta yog’ini dezodaratsiya qilish texnologiyasini yaratish», «Paxta yog’ini fizik rafinatsiya qilish usullarini yaratish», «Qattik g’ovaksimon moddalardan erituvchilarni xaydash», «Issiqlik va modda almashinish jarayonlari va qurilmalarini optimal tashkil qilish» va «Tunnelli pechlarni modellashtirish va optimallashtirish» mavzulari bo’yicha olib borilgan ishlar kiradi. Yuqoridagi yo’nalishlar bo’yicha olib borilgan tadqiqotlar natijasida yangi texnologik jarayonlar sintez qilinmoqda va yuqori unumdorli qurilmalar yaratilmoqda. O’tgan yillar mabaynida kaferda texnika fanlari doktori, professor A.A. Artiqov rahbarligida 6 nafar fan doktori va 30 nafardan ortiq fan nomzodilari tayyorlandi, shuningdek, 8 monografiya chop etildi, o’nlab ixtirolar yaratildi va 500 dan ortiq maqolalar bosmadan chiqarildi. Kafedra muntazam ravishda respublikamizning ta’lim tizimi hamda ishlab chiqarishiga yuqori malakali mutaxassis olimlar etkazib bermoqda. Kafedra O’zbekiston Respublikasi Fanlar Akademiyasining Matematika va axborat texnologiyalari instituti bilan birgalikda, shartnoma asosida xamkorlikda ishlar olib bormoqda. Barcha respublika texnik oliy o’quv yurtlari bilan o’quv uslubiy aloqalar mavjud. Ayniqsa, Buxoro yuqori texnologiyalar va muxandis-texnik instituti, Samarqand iqtisodiyot va servis instituti, Qarshi muxandislik iqtisodiyot instituti (O’zaro xamkorlik shartnomasi asosida) va Andijon mashinasozlik institutlariga ilmiy va o’quv-uslubiy ishlar bo’yicha maslahatlar berib kelmoqda. Bundan tashqari chet el OUYulari: Vena universiteti, Myunxen texnika universiteti, S.Peterburg sovuqlik va oziq-ovqat texnologiyasi akademiyasi, Moskva oziq-ovqat texnologiyasi universiteti, Kiev oziq-ovqat ishlab-chiqarish universiteti va O’sh texnologiya universitetlari bilan ham ilmiy va o’quv-uslubiy aloqalar mavjud.

158918-TEMPUS-1-2009-1-AT-TEMPUS-JPCR CANDI LOYIHASI
Evropa ittifoqidagi va Markaziy osiyodagi hamkorlar: 1. Vena universiteti (Avstriya) 2. Vena texnologiya universiteti (Avstriya) 3. Buyuk Britaniya Ochiq universiteti (Buyuk Britaniya) 4. Darmshtadt texnika universiteti (Germaniya) 5. Myunxen texnika universiteti(Germaniya) 6. O’zbekiston Milliy universitet (O’zbekiston) 7. Toshkent kimyo texnologiya universiteti (O’zbekiston) 8. Urgench davlat universiteti (O’zbekiston) 9. Kozog’iston davlat universiteti (Kozog’iston) 10. Kozoq-turk xalqaro universiteti (Kozog’iston) Loyiha maqsadi: Masofaviy ta’limni tashkil etish uchun E-Learning platformasini yaratish va tadbiq etish. Loyihani bajarish uchun quyida nomlari keltirilgan professor-o’qituvchilar, xodimlar va stajyor–tadqiqotchi–izlanuvchilar jalb etilgan: prof. Turobjonov S.M. – institut rektori; dots. Karabaev D.T.- institut prorektori; dots. Xamidov B.T. –“Informatika, avtomatlashtirish va boshqaruv” kafedrasi mudiri; prof. Artikov A.A. –“Informatika, avtomatlashtirish va boshqaruv” kafedrasi professori; dots. Yunusov I.I. – “Informatika, avtomatlashtirish va boshqaruv” Qosimov B.A.- “Informatika, avtomatlashtirish va boshqaruv” kafedrasi o’qituvchisi; Qosimov F.O. “Informatika, avtomatlashtirish va boshqaruv” kafedrasi stajyor–tadqiqotchi–izlanuvchisi; Norqobilov A.T. – “Informatika, avtomatlashtirish va boshqaruv” kafedrasi stajyor–tadqiqotchi–izlanuvchisi. Shuningdek, loyihani bajarish uchun magistratura va bakalavriatura bosqichida ta’lim olayotgan talabalar ham jalb qilingan.

2. Nomzodlik va doktorlik himoyalari
Kafedrada 2009 yildan 2011 yilga qadar 6 nafar nomzodlik dissertatsiyalari himoya qilingan(Xasanov J.X., Mamatkulov O.A., Reynazarova Z.D., Xamdamov A.M., Dodaeva D.K., Saidmuradov U.). 2012 yilda esa 3 nafar nomzodlik dissertatsiyalari himoyalari(Yunusov B.I., Mavlanov E.T., Samatov J.) hamda 1 nafar doktorlik dissertatsiyasi himoya etilishi rejalashtirilgan(Karabaev D.T.).
3. Iqtidorli talabalar bilan faoliyat olib borish
Kafedrada “Algoritm” va “Avtomatchi” deb nomlangan guruxlar tashkil etilgan bo’lib, bu guruxda asosan 2-4 kurs talabalar hamda 1-2 kurs magistrantlari bilan tegishli mavzularda ilmiy rahbarlar boshchiligida ilmiy-tadqiqotlar va loboratoriya mashg’ulotlari olib boriladi. Talabalar ilmiy-texnikaviy anjumanlarda bajargan tadqiqotlari bilan ishtirok etishlari va bu tadqiqot natijalari konferentsiya to’plamida chop etilishi mumkin.

O’qitiladigan fanlar

Bakalavriatura:

1. Ixtisoslikka kirish
2. Informatika va informatsion texnologiyalar
3. Texnologik jarayonlarni modellashtirish asoslari
4. Texnologik jarayonlarni avtomatlashtirish
5. Avtomatlashtirilgan boshqarish nazariyasi
6. Avtomatlashtirisht elementlari va mikroprotsessorli qurilmalar
7. Texnologik o’lchov asboblari va usullari
8. Boshqarish tizimlarini optimallashtirish va identifikatsiyalash
9. Texnologik jarayonlarni avtomatlashtirish va boshqarish
10. Texnologik jarayonlarni boshqarish tizimlarida intellektual tizim asoslari
11. Avtomatlashgan tizimlarni loyihalash asoslari
12. Avtomatlashgan tizimlar diagnostikasi va ishonchliligi.

Magistratura:
1. Axborot texnologiyalari
2. Kimyoviy ishlab chiqarish texnologiyalarini tadqiq qilishda kompyuter usullari
3. Avtomatlashgan tizimlarni kompyuterda shakllantirish asoslari.
4. Tabiiy muhit, moddalar, materiallar va buyumlar nazorati usullari va qurilmalari
5. Texnologik jarayonlarni boshqarish tizimlari
6. Optimal tizimarni sintez qilish
7. Avtomatlashgan boshqarish tizimlarini loyihalash
8. Intellektual tizimlar asoslari
9. Ijtimoiy-iqtisodiy jarayonlarni modellashtirish va prognozlash

Kafedraning ilmiy-amaliy aloqalari
Kafedrada O’zFA “Matematika va informatsion texnologiyalar” instituti, OAJ “Ximavtomatika”, OAJ “Toshkent yog’moy kombinati”, OAJ “Samarqandkimyo”, OAJ “Maksam-Chirchik”, UK “Qung’irot soda savodi” va “Shurtangaz kimyo majmuasi” kabi bir qator tashkilotlar bilan hamkorlikda ishlab kelmoqda.
Shuningdek kafedrada Rossiya kimyo-texnologiya instituti, Vena instituti, Vena texnologiya instituti, Myunxen texnika universiteti, Buyuk Britaniya ochiq universiteti kabi universitetlar bilan ham ilmiy-amaliy aloqalar yo’lga qo’yilgan.

«IAB» kafedrasi tarkibi

Familiya, imya, otchestvo Doljnost
1. Artikov A.A. Professor
2. Ismailov M.A. Professor
3. Xamidov B.T. Zav. kafedri
4. Yunusov I.I. Dotsent
5. Akramxodjaev Yu.T. Dotsent
6. Fayzullaev S.X. Dotsent
7. Imomov N.K. Dotsent
8. Boboyorov R.O. Dotsent
9. Karabaev D.T. Dotsent
10. Kodirov Sh.I. Dotsent
11. Reypnazarova Z.D. K.t.n., Starshiy prepodavatel
12. Xasanov J.X. K.t.n., Starshiy prepodavatel
13. Akromov A.A. Starshiy prepodavatel
14. Mavlanov E.T. Assistent
15. Yunusov B.I. Assistent
16. Ergashev G.J. Assistent
17. Sarbolaev F.N. Assistent
18. Ungboeva D. Assistent
19. Tojiboeva D. Assistent
20. Norkobilov A.T. Assistent
21. Islomova F.K. Assistent
22. Kurbonov Z.Ch. Assistent
23. Kosimov F.O. Assistent
24. Kosimov B.A. Assistent
25. Umarov X.E. Assistent
26. Yalgasheva Sh. Assistent
27. Rasulev A. Assistent
28. Masharipova Z.A. Assistent
29. Nabixujaeva M. Assistent