Organik kimyo va og’ir organik sintez texnologiyasi kafedrasi ilgari faoliyat olib borgan organik kimyo va asosiy organik sintez texnologiyasi kafedralarni birlashtirilishi natijasida 2005 yilda tashkil topdi. Kafedra bakalavriaturaning  ikki yo’nalishi: 5522400- Kimyoviy texnologiya (organik sintez maxsulotlari ishlab chiqarish) va  5525100- Tabiiy energiya tashuvchilari va uglerodli materiallar kimyoviy texnologiyasi hamda magistraturani 5A522402-Asosiy organik sintez mahsulotlari kimyoviy texnologiyasi va 5A522303- Kimyoviy tolalar texnologiyasi mutaxasisliklari bo’yicha kadrlar  tayyorlaydi. Kafedrada yuqori malakali, tajribali professor va dotsentlar faoliyat ko’rsatmoqda, ular har bir bitiruvchining yaxshi mutaxassis bo’lishi uchun alohida yondashib ishlaydi.

            Hozirgi vaqtda kafedrada 2-ta professor , 6-ta dotsent, kattao’qituvchi va 4-ta assistent ishlaydi. Kafedraning professor-o’qituvchilar tarkibi quyidagicha: kafedra mudiri   k.f.d., prof. Maksumova O.S. , t.f.d., prof. Ikramov A., t.f.n., dots. X.E. Qodirov, k.f.n., dots., L.A. Ismailova, k.f.n., dots. Karimov R., t.f.n, dotsent O.A. Salixova, k.f.n, dotsent Abduraimov B.M., t.f.n., dotsent Ergasheva D.A., katta o’qituvchi t.f.n. Xalikova S.D., assistentlar  Xakimova G.R., Turobjonova S.Sh., Abdurazakova G.T., Shomuradov A.I. Yordamchi xodimlar tarkibi: xona mudirasi  Ismoilova Yu.G’., katta laborant N.N. Mirzaxmedova va boshqalar.

Kafedra o’qituvchilari fan va texnika sohosidagi yangi yutuqlarni doimo o’rganib borishadi. Buning natijasida o’qitiladigan mutaxassislik fanlari bo’yicha o’quv reja qaytadan ishlandi.

Talabalarni o’qitish va ilmiy tadqiqot ishlarini bajarishda yangi zamonaviy jixozlar bilan ta’mirlangan organik kimyo va asosiy organik sintez laboratoriyalaridan foydalaniladi.

Keyingi vaqtlardi kafedraning organik sintez mahsulotlari ishlab chiqarish bakalavr yo’nalishi bitiruvchilariga bo’lgan talab ortib bormoqda. Bu esa yosh mutaxassislarni oliy ta’lim dargoxida yuqori malakaga ega bo’lishliklarini ko’rsatmoqda. Buni har yildagi abiturientlarni yuqori konkursi orqali ham kuzatish mumkin.

Har yili ushbu mutaxassislikni tugatayotganlar 2-3 dan 5-6 gacha imtiyozli diplom olishga muvaffaq bo’lishmoqda. Bakalavrlarni tayyorlashda malakaviy ishlab chiqarish amaliyotlari ham muhim ahamiyatga ega bo’lib, talabalar amaliyotlarni neft va gazni qayta ishlash etakchi korxonalaridan bo’lgan Sho’rton gaz-kimyo majmuasi, Muborak gazni qayta ishlash zavodi, Buxoro neftni qayta ishlash zavodi, Navoiazot OAJ, Chirchiq Maksam OAJ va boshqa korxonalarda o’tkazmoqdalar.

Kafedraning o’quv-uslubiy ishlari

            Oxirgi 3 yil mobaynida kafedra xodimlari tomonidan 3 ta darslik, yakuniy nazorat ishlari uchun test savollari (800 dan ortiq), oraliq va yakuniy nazorat ishlari uchun yozma ish variantlari, organik kimyo va mutaxasislik fanlaridan mustaqil ishlash uchun savollar to’plami tayyorlandi.

5525100- Tabiiy energiya tashuvchilari va uglerodli materiallar kimyoviy texnologiyasi, hamda magistraturani  5A522303-Kimyoviy tolalar texnologiyasi mutaxasisligi bo’yicha davlat ta’lim standartlari yaratildi. Barcha mutaxasislik fanlaridan ishchi reja tuzilgan bo’lib, unda o’tiladigan ma’ruza, laboratoriya va seminar mashg’ulotlarini kalendar rejalari, reyting jadvallari o’z aksini topgan. Organik kimyo va mutaxasislik fanlaridan laboratoriya va seminar mashg’ulotlarini o’tkazish uchun lotin grafikasida metodik qo’llanmalar tayyorlangan.

Kafedraning ilmiy ishlari

            Kafedra xodimlari tomonidan maxalliy xom-ashyolar asosida import o’rnini bosuvchi eksportbop mahsulotlar olish uchun chiqindisiz, ekologik toza, resurslarni tejaydigan yangi texnologiya yaratish mavzusida ilmiy-tadqiqot ishlari olib borilmoqda.Oxirgi  3 yil davomida 2-ta grant asosida quyidagi ilmiy ishlar bajarilmoqda:

1. AITD-6-070 «Maxalliy xom-ashyolar asosida yangi korroziya ingibitorlari sintezi va xossalari».

2. AITD-6-062  «Maxalliy xom-ashyolar asosida yangi ion almashinuvchi smolalar sintezi va xossalari» hamda kafedra xodimlari 2010 yildan boshlab 2ta xo’jalik shartnomasini bajarish bo’yicha tadqiqot ishlarini olib borishmoqda. Oxirgi vaqtlardi kafedrada ko’p funktsiyali prsadkalar yaratish va ularni neft-gaz sanoatida qo’llash bo’yicha ilmiy ishlar olib borilmoqda.

2007-2011 yillarda professor Ikromov A, Yusupov D, Maksumova O. rahbarligida 7-ta nomzodlik dissertatsiya ishlari muvaffaqiyatli himoya qilindi.

Kafedra hamkorlik qilayotgan korxonalar, oliy o’quv yurtlari

            Kafedra quyidagi ishlab chiqarish korxonalari, ilmiy-tadqiqot institutlari va oliy ta’lim muassalari bilan o’zaro ilmiy-pedagogik hamkorlikda ishlaydi:

1. O’zKimyosanoat DAK.
2. A.Sultonov nomidagi O’zbekiston Kimyo-Farmatsevtika ilmiy tadqiqot instituti.
3. S.Yunusov nomli “O’simlik moddalar kimyosi instituti”.
4. NavoiazotOAJ.
5. Chirchiq Maksam OAJ.
6. Sho’rton Gaz-kimyo majmuasi.
7. O’zbek neft-gaz MXK.
8. Buxoro neftni qayta ishlash zavodi.
9. O’zLITINeftGaz.
10. Toshkent davlat texnika universiteti.
11. Toshkent to’qimachilik va engil sanoati instituti.
12. Gubkin nomli Moskva neft va gaz instituti.
13. M.V.Lomonosov nomli Moskva nozik kimyoviy texnologiya akademiyasi.
14. Toshkent farmatsevtika instituti.
15. O’zbekiston Milliy universiteti.