Tillar kafedrasi

“Tillar” kafedrasi mudiri

f.f.n., dotsent Tavaldieva Gulbaxar Nishanovna

tel: +99890 9448164

E- mail:   gulbahor_tavaldiyeva@mail.ru

 

 

Kafedra tarixi.  1991-yil may oyida O‘zR Prezidenti farmoniga asosan tashkil topgan Toshkent Kimyo-texnologiya instituti tarkibida dastlab “Chet tillari”  hamda “O‘zbek va rus tillari” kafedralari shakllangan edi. “Chet tillari” kafedrasiga 1991-1992-yillarda dots. V.D.Musayeva, 1992-1994-yillarda filologiya fanlari nomzodi S.N.Abdullayeva,                           1994-2005 - yillarda dots. I.G‘.Zoxidov rahbarlik qildilar. “O‘zbek va rus tillari” kafedrasini dots. H.Yo‘ldosheva boshqardi. 1996-yilda kafedralar birlashtirilib, “Tillar” kafedrasi deya atala boshlandi va kafedrani dots. I.G‘.Zoxidov boshqardi. 1997-yilda kafedra ikkiga ajraldi va “O‘zbek va rus tillari” kafedrasiga prof. H.Uzoqov, “Chet tillari” kafedrasiga dots. I.G‘.Zoxidov rahbarlik qildilar. 2001-yil “O‘zbek va rus tillari” kafedrasini p.f.n. F.Umarova boshqardi,      2002- yildan 2017- yilgacha kafedraga f.f.n., dots. G.S.Keldiyorova rahbarlik qildi. 2005 - yil sentyabr oyidan kafedralar birlashtirilib, “Tillar” kafedrasi deb nomlandi. 2017 yildan “Tillar” kafedrasidan “Chet tillari” sikli ajratildi. 2017- yil 8 -iyundan boshlab kafedraga filologiya fanlari nomzodi, dots. Tavaldiyeva Gulbaxar Nishanovna rahbarlik qilmoqda.

Kafedra o‘qituvchilari talabalarga saboq berish bilan birga ularda bilim olish ko‘nikmalarini o‘stirish, ma'naviy jihatdan barkamol bo‘lib yetishishlari uchun  mehnat qilmoqdalar. O‘qituvchilari tomonidan talabalarning og‘zaki va yozma nutq ko‘nikmalarini rivojlantirish bo‘yicha yangi pedagogik texnologiyalar asosida  fanlardan amaliy mashg‘ulotlar olib boriladi.

          Kafedra yuklamasiga kiritilgan barcha fanlar institutning ilmiy-uslubiy kengashi tomonidan tasdiqlangan dastur asosida o‘qitiladi. O‘qitishda har bir fanning xususiyatini hisobga olish bilan birga, talabalarning yoshi, mutaxassislik yo‘nalishi, ta'lim darajasiga ham e'tibor beriladi. Amaliy mashg‘ulotlarda talabalar nutqiy malakasini o‘stirish uchun o‘zbek milliy urf-odatlari haqidagi, respublikamiz ijtimoiy-siyosiy va madaniy hayoti haqidagi hamda  mutaxassislik fanlariga oid matnlardan maqsadli foydalaniladi.      

ILMIY-TADQIQOT ISHLARI.

Davlat mablag‘idagi ilmiy tadqiqot ishlari mavzusi:

          Kafedra istiqbol rejasi asosida “Texnik oliy o‘quv yurtida talabalarga til o‘rgatishda o‘quv-tarbiya jarayonini modernizatsiya qilish” ilmiy mavzusi tanlanib, dasturlar, o‘quv va uslubiy qo‘llanmalar, o‘qitiladigan tillar bo‘yicha mutaxassisliklar atamalari lug‘atini tuzish, rus tilini  o‘rgatish bo‘yicha elektron qo‘llanmalar, multimedialar tayyorlashlari, institut tomonidan amalga oshirilayotgan turli innovatsion loyihalarda  qatnashish belgilangan.

Dots. G.Tavaldiyeva va boshqalarning “O‘zbek tilining  kirill va lotin alifbolaridagi imlo lug‘ati”, shuningdek, dots.G.Keldiyorova, G.Tavaldiyevalarning ilmiy tadqiqot ishlaridan o‘zbek filologiyasi magistraturasida “Shukur Xolmirzaevning ijodiy yo‘li”, “O‘zbek lingvopoetikasi”, “Hozirgi o‘zbek hikoyachiligi”, “Ona tili o‘qitish metodikasi” maxsus kurslari sifatida foydalanib  kelinmoqda.

Dotsentlar G.Tavaldieva, G.Keldiyorova, k.o‘q. U.Mirsagatovalarning o‘tkazilgan    ochiq darslari yuqori baholangan.

         

         Nomzodlik dissertatsiyalari himoyalari:

2001-yilda G.Keldiyorova  “O‘zbek badiiy nutqida antiteza (E.Vohidov ijodi misolida)”mavzusida nomzodlik dissertatsiyasini himoya qildi. 2009-yilda dotsent ilmiy unvonini oldi.

2003-yilda G.N.Tavaldiyeva “Shukur Xolmirzaev hikoyalarida voqelikni badiiy idrok etish prinsiplari” mavzusida nomzodlik dissertatsiyasini himoya qildi.  2016-yilda dotsent ilmiy unvonini oldi.

 

O‘QUV-USLUBIY ISHLAR.

Kafedraning o‘quv jarayonida 2 ta fan nomzodi, 3 ta katta o‘qituvchi va o‘qituvchilar faoliyat ko‘rsatadi. 

Kafedrada bakalavr yo‘nalishi bo‘yicha 3 ta, magistratura mutaxassisligi bo‘yicha 1 ta fan o‘qitiladi. Kafedra professor-o‘qituvchilari tomonidan barcha fanlar bo‘yicha takomillashgan o‘quv-uslubiy majmualar yaratilib, ular asosida axborot resurs bazasi shakllantirilgan. Professor-o‘qituvchilar tomonidan oxirgi yillarda 3 o‘quv qo‘llanmasi, 2 ma'ruza matnlari, o‘ndan ortiq uslubiy ko‘rsatmalar, 50 dan ortiq ilmiy-uslubiy maqolalar yaratilgan va chop etilgan.

“Kadrlar tayyorlash milliy dasturi”ni hayotga izchillik bilan tatbiq etish, kadrlar tayyorlash samaradorligini oshirish, ta'lim turlari o‘rtasidagi o‘zaro integratsiya jarayonini kuchaytirish va ular o‘rtasidagi uzviylik va uzluksizlikni ta'minlash maqsadida kafedra bilan O‘zbekiston Respublikasi Oliy va O‘rta maxsus ta'lim Vazirligi O‘rta maxsus kasb-hunar ta'limi tizimi kadrlari malakasini oshirish va ularni qayta tayyorlash instituti o‘rtasida hamkorlik shartnomasi tuzilgan.

Kafedrada iqtidorli talabalar jamiyati tashkil etilgan. Ular o‘qish bilan birgalikda, ilmiy-tadqiqot ishlarini bajarishda, turli anjumanlarda, fan olimpiadalarida,  ma'naviy-ma'rifiy tadbirlarda, sport sohalarida o‘tkazilayotgan musobaqalarda faol ishtirok etib kelmoqdalar.

         Kafedra o‘qituvchilari rahbarligida talabalar Respublika fan olimpiadalarida, tanlovlarda qatnashib, yuqori sovrinli o‘rinlarga sazovor bo‘lmoqdalar. 2015-yilda o‘zbek tili fanidan o‘tkazilgan OO‘Yu o‘rtasidagi Respublika fan olimpiadasida Menejment va kasb ta'limi fakulteti talabasi N.Shuvalov “O‘zbek tili” fani bo‘yicha faxrli II o‘rinni egalladi.

O‘zR Prezidentining «Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida»gi 2017 yil 13 sentyabrdagi qaroriga muvofiq respublika OTM talabalari o‘rtasida o‘tkazilgan “Kitob – tafakkur manbai” ko‘rik-tanlovining  saralash bosqichlarida  Menejment va kasb ta'limi fakulteti 2-bosqich talabasi M.Sattorova “Eng faol kitob targ‘ibotchisi” nominatsiyasi bo‘yicha hududiy bosqichda 1-o‘rinni egalladi. Institutning “Kimyogar” jamoasi esa “Asarlardan yaralgan sahna asarlari” nominatsiyasi bo‘yicha 1-o‘rin olib, faxriy yorliq bilan, dots. G.Tavaldiyeva rahbar sifatida diplom bilan taqdirlandi.

          Kafedra a'zolari har yili xalqaro, respublika va oliy o‘quv yurtlariaro o‘tkaziladigan ilmiy-texnikaviy va ilmiy-uslubiy anjumanlarda ma'ruzalari bilan faol qatnashadilar. Shuningdek, kafedra o‘qituvchilari rahbarligidagi talabalar ma'ruzalari ilmiy-texnik konferensiyalarda  yuqori o‘rinlarni egallab kelmoqdalar.

Institutda va  Talabalar turar joyida “Rus tili”, “Nutq madaniyati” fanlaridan  to‘garak faoliyat yuritadi.

Kafedra professor-o‘qituvchilari tomonidan Respublikamiz ma'naviy-ma'rifiy hayotiga, shoir va yozuvchilarning tavallud kunlariga bag‘ishlangan ko‘plab tadbirlar, davra suhbatlari o‘tkazilishi an'anaga aylangan.

Kafedraning 5 nafar professor-o‘qituvchilari 2016-2017-yillarda dots. G.S.Keldiyorova, kat.o‘qit. U.Mirsoatova, kat.o‘qit. Sh.A.Komilova, kat.o‘q. M.A.Imomalieva, ass. N.Xamroxodjaevalar malaka oshirish va qayta tayyorlash kurslarini muvaffaqiyatli o‘tib,  yangi pedagogik va axborot texnologiyalari bo‘yicha o‘z kasbiy mahoratlarini oshirganlar.

 

O‘QITILADIGAN FANLAR.

 

Bakalavriatura bo‘yicha o‘qitiladigan fanlar.

1.   O‘zbek tili

2.   Rus tili

3.   Davlat tilida ish hujjatlarini yuritish va nutq madaniyati

           

Magistratura (TKTI) bo‘yicha o‘qitiladigan fanlar.

  1. Nutq madaniyati

 

 

KAFEDRANING ILMIY VA TASHQI ALOQALARI.

 

           Kafedrada   2015-2016-o‘quv yillarida O‘zbekiston Respublikasi Alisher Navoiy nomidagi Til va adabiyot instituti, O‘zDJTU,O‘zMU, TTeSI, TDTU, TDIU, TATU,TDAU bilan  fan va innovatsion hamkorlik yo‘lga qo‘yilgan.

            Kafedra dotsenti G.Keldiyorova  ko‘p yillardan buyon O‘zbekiston Respublikasi Xalq ta'limi Vazirligi qoshidagi ta'lim markazida “O‘zbek tili” fani bo‘yicha ekspert sifatida faoliyat yuritib kelmoqda.

            A.Eshniyazova O‘zR FAning O‘zbek adabiyoti va folklorshunosligi instituti bilan hamkorlikda nomzodlik tadqiqot ishlarini olib bormoqda.

2017-2018-o‘quv yilining sentyabr oyida  katta o‘qituvchilar M.A.Imomalieva, Sh.A.Komilova, U.Z.Mirsagatovalar  TKTI qoshidagi Chirchiq akademik litseyining “Tillar” kafedrasi o‘qituvchilari uchun “Проектирование и планирование исползования новых педагогических технологий на уроках русского языка” mavzusida master-klass o‘tkazdilar. 

 

 “TILLAR” kafedrasi tarkibi

 

Familiyasi, ismi-sharifi

Lavozimi

1

Tavaldieva G.N.

Kafedra mudiri, dotsent (1,0)

2

Keldiyorova G.S.

Dotsent (1,0)

3

Mirsoatova U.Z.

Katta o‘qituvchi  (1,0)

4

Komilova Sh.A.

Katta o‘qituvchi  (1,0)

5

Imomalieva M.A.

Katta o‘qituvchi  (1,0)

6

Xamraxodjaeva N.N.

O‘qituvchi  (1,0)

7

Mutalov D.

O‘qituvchi  (0,5)

8

Shukurova L.R

O‘qituvchi (1,0)

9

Eshniyazova A.Sh

O‘qituvchi  (0,5)