Haqida

«Vinochilik texnologiyasi va sanoat uzumchiligi» fakulteti – O‘zbekiston Respublikasi Prezidentining 2018 yil 28 fevraldagi «Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari to‘g‘risida» PQ-3573-sonli qarorining 17-bandiga, O‘zbekiston Respublikasi Oliy va o‘rta maxsus ta’lim vazirining 2018 yil 6 martdagi «O‘zbekiston Respublikasi Prezidentining 2018 yil 28 fevraldagi PQ-3573-sonli qarori ijrosini ta’minlash to‘g‘risida» 211-sonli buyrug‘iga va Toshkent kimyo-texnologiya instituti rektorining «O‘zbekiston Respublikasi Oliy va o‘rta maxsus ta’lim vazirining 2018 yil 6 martdagi

211-sonli buyrug‘i ijrosini ta’minlash to‘g‘risida» 611-sonli buyrug‘i asosida 2018-2019 o‘quv yilidan boshlab vinochilik sohasi uchun oliy malakali kadrlar tayyorlovchi fakultet sifatida, «Enologiya» kafedrasi negizida

2018 yil 25 avgustda tashkil etildi, shuningdek, faoliyati yo‘lga qo‘yildi.

«Vinochilik texnologiyasi va sanoat uzumchiligi» fakulteti Toshkent kimyo-texnologiya instituti tarkibidagi eng yosh va navqiron fakultet hisoblansada O‘zbekiston Respublikasi iqtisodiyot sohasi va tarmoqlari hamda alkogol va vinochilik tarmoq korxonalari uchun ko‘plab yuqori malakali bakalavr va magistr darajasidagi yetuk mutaxassislarni yetkazib berib, sohada kadrlarga bo‘lgan talabni yuqori saviyada ta’minlab, yetuk malakali kadrlar yetishmovchiligi kabi muammoni bartaraf etishga o‘zining salmoqli hissasini qo‘shmoqda.

«Vinochilik texnologiyasi va sanoat uzumchiligi» fakultetida bir nechta yosh olimlarning shakllantirilishi hisobiga ilmiy salohiyat 63 foizga ko‘tarilganligi natijasida ko‘plab ilmiy-innovatsion ishlanmalar bajarilmoqda.

Maqsadi

- Shaxs, jamiyat va davlatning hozirgi va istiqboldagi ehtiyojlariga javob bera oladigan yuqori sifatli ta’lim xizmatlari bilan ta’minlash;

- Vinochilik va sanoat uzumchiligi tatmog‘i uchun raqobatbardosh va yuqori salohiyatli kadrlar tayyorlash, qayta tayyorlash hamda malakasini oshirish;

- Xalqaro ilmiy va ta’lim makoniga integratsiyalashuv sharoitida ilmiy va innovatsion faoliyatni tashkil etish.

Faoliyati

- Vinochilik va sanoat uzumchiligi, biotexnologiya, ekologiya hamda mehnat muhofazasi ta’lim yunalishlari va mutaxassisliklari uchun kimyogar-texnolog-muhandislar tayyorlash sohasida mahalliy va mintaqaviy o‘quv va ilmiy muhitida yuqori raqobatbardosh mavqeni egallash;

- Jahon tendentsiyalarini hisobga olgan holda milliy iqtisodiyotning ehtiyojlarini qoniqtirish yo‘li bilan fan-ta’lim-ishlab chiqarish integratsiyasini amalga oshirish;

- O‘quv jarayoniga innovatsion o‘qitish metodlarni hamda zamonaviy IT texnologiyalarni joriy etish asosida o‘quv jarayoni sifatini oshirish;

- Magistratura talabalari va doktorantlarning ilmiy-tadqiqot ishlarini rivojlantirish;

- Fakultet bitiruvchilari uchun mehnat bozoridagi talab va raqobatbardoshlikni yuqori darajasini ta’minlash.