O‘zbekiston Respublikasi Qurolli Kuchlari tashkil etilganligining 33 yilligi hamda 14-yanvar - Vatan himoyachilari kuni bayrami munosabati bilan Toshkent kimyo-texnologiya instituti Kimyoviy injiniring fakulteti professor-o'qituvchilari, tyutorlari hamda talabalari ishtirokida O'zbekiston Respublikasi Mudofaa vazirligiga qarashli Qurolli kuchlar Markaziy muzeyiga tashrif tashkil etildi.

Tashrif davomida talabalar nafaqat O’zbekistonda tashkil topgan Qurolli kuchlari tarixini o’rganishga, balki muzeyning boy va keng ko’lamga ega bo’lgan Markaziy Osiyo va O’zbekiston xalqining rivojlangan harbiy san’ati tarixi eksponatlari bilan ham tanishishga muyassar bo’lishdi.  

Muzeyga kirishda qad ko‘targan, el yurtimizning sodiq farzandi timsolini aks ettirgan “Vatanga qasamyod” monumenti hech kimni befarq qoldirmadi.

Bundan tashqari fakultet jamoasi uchun Harbiy-vatanparvarlik mavzusuda harbiylar ishtirokida qiziqarli davra suhbati tashkil etildi va vatanimiz himoyasi yo'lida amalga oshirilayotgan islohatlar, ajdodlarimizga sodiq o'g'lonlarni tarbiyalash yo'lida olib borilayotgan tizimli ishlar to'g'risida ma'lumotlar berildi. Bunday tashriflardan asosiy maqsad talaba-yoshlarni harbiy vatanparvarlik, ona yurtga muhabbat va sadoqat ruhida tarbiyalashga qaratilgan.