Toshkent kimyo-texnologiya instituti Korxonalar va ta’lim muassasalari bilan ishlash bo‘yicha prorektor A.N.Shernaev bilan birgalikda Marketing va talabalar amaliyoti bo‘limi boshlig‘i A.M.Mirkomilov va Ilmiy innovatsion ishlanmalarni tijoratlashtirish bo‘limi boshlig‘i N.R.Mardanov "ALMERRO GROUP" MCHJ “KREMBER” brendi ostidaqandolat mahsulotlari ishlab chiqarish fabrikasi direktori A.K.Akramovning taklifiga binoan ishlab chiqarish korxonasiga tashrif buyurdilar.  

Tashrifdan maqsad korxona bilan hamkorlik aloqalarini mustahkamlash, korxonada mavjud muammolarni instituti bilan hamkorlikda yechim topish, korxonaga zamonaviy bilimga ega bo‘lgan mutaxasislarni tayyorlash masalalari bo‘yicha uchrashuv bo‘lib o‘tdi.  

24-28 may kunlari Toshkent kimyo-texnologiya institutida o‘tkaziladigan "Yashil Kimyo" ilmiy haftaligiga taklif etildi. Korxona rahbariyati “Ta’limda xalqaro innovatsion yondashuvlar, hamkorlikdagi ta’limni rivojlantirish istiqbollari va dolzarb muammolari” xalqaro konferensiyasida o‘zlarining ishlab chiqargan mahsulotlari ko‘rgazmasi bilan qatnashishlarini bildirishdi. 

Uchrashuv yakunida "ALMERRO GROUP" MCHJ korxonasi bilan kadrlar tayyorlash, korxona xodimlari malakasini oshirish, instituti xodimlarining stajirovkalarini tashkil etish va xo‘jalik shartnomalari asosida ilmiy sohalarda hamkorlik qilish bo‘yicha memorandum tuzishga kelishib olindi.