2025-yil 3-may kuni Toshkent Kimyo-Texnologiya Institutining Sanoat muhandisligi va menejmenti fakulteti, Muhandislik asoslari va mexanika kafedrasi stajyor-o‘qituvchisi Xalilov Shuhat O‘ralovich "Qobiq-trubali issiqlik almashinish qurilmasining hisobi va loyihasi" mavzusida ochiq dars mashg‘ulotini o‘tkazdi.

Dars davomida talabalarga issiqlik almashinish qurilmalarining ishlash prinsiplari, ularning konstruktsiyasi va muhim hisoblash usullari haqida batafsil tushuntirishlar berildi. Ochiq darsda talabalar o‘zlarini qiziqtirgan savollarni o‘qituvchiga berib, ularning javoblarini olishdi. Bu jarayon, talabalar uchun yanada samarali o‘rganish muhitini yaratdi va mavzuni chuqurroq tushunishga yordam berdi.

Ochiq darsning interaktiv tarzda o‘tishi, professor-o‘qituvchilar va talabalar o‘rtasida faol muhokamalarni rag'batlantirdi, bu esa o‘quv jarayonini yanada jonli va samarali qilishga hissa qo‘shdi. Talabalar mavzu bo‘yicha o‘z bilimlarini mustahkamlab, kelgusi amaliy ishlarida bu bilimlardan foydalana olishlari uchun zarur ko‘nikmalarni egalladilar.

Dars o‘quv jarayonining samaradorligini oshirishga xizmat qildi va talabalarning ilmiy qiziqishlarini yanada kuchaytirdi.