2025-yilning 19-mart sanasida Toshkent kimyo-texnologiya Institutining Talabalar turar joyida "Qadriyatlaring boqiy bo'lsin, Navro'z!" shiori ostida katta va ko‘tarinki ruhdagi sayl bo‘lib o‘tdi. Ushbu tadbir Navro‘z bayramining tarixi va milliy qadriyatlarimizni ulug‘lash, talaba-yoshlar orasida do‘stona va sportiv muhitni rivojlantirish maqsadida tashkil etildi.

Sayl davomida talaba-yoshlar uchun juda xilma-xil sport musobaqalari o‘tkazildi. Ushbu musobaqalar, nafaqat jismoniy kuch va mahoratni namoyish etish, balki milliy sport turlarini targ‘ib qilish va yoshlarni o‘z an'analariga sodiq bo‘lishga chaqirish imkonini berdi. Tadbirda shaxmat-shashka, kurash, tosh ko‘tarish, arqon tortish kabi an'anaviy milliy sport turlaridan tashqari futbol, tennis, voleybol va armwrestling kabi zamonaviy sport turlarida ham musobaqalar tashkil etildi. Ushbu sport turlarida ishtirok etgan talaba-yoshlar o‘z mahoratlarini ko‘rsatib, raqobatbardosh ruhda bahslashishdi.

 Saylni yanada rang-barang va mazmunli qilish maqsadida, institutning pazanda qizlari tomonidan bahoriy va milliy taomlar tayyorlandi.

 Doshqozonlarda pishirilgan sumalak va oshlar, o‘ziga xos va yuksak maza bilan tadbir mehmonlarini mehmondo‘stlik bilan kutib oldi. Ayniqsa, "Sumalak party" kechalari alohida taassurot qoldirdi, chunki bu kechalarda talaba-yoshlar, birgalikda sumalak pishirish va uning ta'midan zavqlanish orqali Navro‘zning asl ruhini his etishdi.

Saylda shuningdek intellektual o'yinlar, aqlni charxlovchi viktorinalar, shaxmat musobaqalari tashkil etildi.

"Qadriyatlaring boqiy bo'lsin, Navro'z!" shiori ostida tashkil etilgan saylga institut rektori Usmonov Botir Shukurillayevich boshchiligida institut rahbariyati, Respublika Ma'naviyat va ma'rifat markazi mas'ul xodimi Zikirova Mag'firat Soliyevna, umidli va iste'dodli xonandalar hamda ommaviy axborot vositalari xodimlari tashrif buyurdilar.

Tadbirni institut rektori B.Sh.Usmonov kirish so'zi bilan ochib berib barcha professor-o‘qituvchilar, xodimlar va talaba-yoshlarga tabrik yo‘lladi. Rektor o‘z tabrigida, Navro‘z bayramining nafaqat yangi yilni qarshi olish, balki milliy qadriyatlarimizni ulug‘lash, xalqimizning an’analarini yosh avlodga yetkazish uchun ham muhim ahamiyatga ega ekanligini ta’kidladi.

 Navro‘z sayli davomida bayramona atmosfera yanada yorqinlashdi. Tadbirda kuy qo‘shiqlar yangradi, yosh va umidli xonandalar tomonidan jonli ijroda ko‘plab maftunkor qo‘shiqlar kuyladi. Bu esa, mehmonlarga o‘zgacha, qalbni yayratadigan his-tuyg‘ularni olib keldi.

Shuningdek, tadbirda milliy raqslar ham ijro etildi. Yosh raqqosalar o‘zining ajoyib va raqs san’atidagi yuqori mahoratlarini namoyish etib, mehmonlarga Navro‘zning an’analari va madaniyatini yangi, zamonaviy talqinda taqdim etdilar. Milliy raqslarning o‘ziga xos nafosati va hayajonli ritmlari saylni yanada bayramona muhitga olib keldi.

Bu kabi tadbirlar, talaba-yoshlar orasida san’atni, milliy qadriyatlarni hurmat qilish va ularni kelajak avlodlarga yetkazishdagi ahamiyatini ta’kidlaydi. Navro‘z bayramida kuy, qo‘shiq va raqs orqali milliy ruh va madaniyatni oshirish, yoshlarning ijodkorligini rivojlantirishda katta rol o‘ynaydi.

 Tadbirda sport musobaqalarida muvaffaqiyat qozongan talaba-yoshlar institut rahbariyati tomonidan qimmatbaho sovg‘alar hamda vaucher bilan taqdirlandilar.

Shuningdek mutlaq g'oliblikni qo'lga kiritgan sportchilarga institut ko'chma kubogi topshirildi.

Tadbirda sport musobaqalarida muvaffaqiyat qozongan talaba-yoshlar institut rahbariyati tomonidan qimmatbaho sovg‘alar hamda vaucher bilan taqdirlandilar.

Shuningdek mutlaq g'oliblikni qo'lga kiritgan sportchilarga institut ko'chma kubogi topshirildi.

Tadbirda sport musobaqalarida muvaffaqiyat qozongan talaba-yoshlar institut rahbariyati tomonidan qimmatbaho sovg‘alar hamda vaucher bilan taqdirlandilar.

Shuningdek Shaxmat bo'yicha mutlaq g'oliblikni qo'lga kiritgan ishtirokchiga institut ko'chma kubogi hamda rektorning esdalik sovg'asi bo'lmish noutbuk tantanali ravishda topshirildi.

Bundan tashqari "Yurtim qadriyatlari" ko'rik tanlovining hududiy bosqichida g'oliblikni qo'lga kiritgani uchun "Kimyogar" jamoasiga 40 000 000 so'mlik vaucher topshirildi.

 Toshkent kimyo-texnologiya instituti tomonidan o‘tkazilgan Navro‘z sayli, talaba-yoshlarni birlashtirish, milliy qadriyatlarni yuksaltirish va yoshlarni ijtimoiy faoliyatga jalb etishda muhim ahamiyatga ega bo‘ldi. Tadbirda institutning barcha professor-o‘qituvchilari, xodimlari va talaba-yoshlar qatnashdi, bu esa saylni yanada maqsadli va mazmunli qilgan.

Toshkent kimyo-texnologiya institutida Navro‘z bayrami doirasida o‘tkazilgan sayl, uning ishtirokchilariga esda qolarli, shod-xurram va muhim tajriba bo‘lib qoldi.

Tadbir so'ngida tashrif buyurgan professor-o'qituvchilar va talabalar uchun osh tarqatildi.