2024-yilning 25-may sanasida Toshkent Politexnika institutining Kimyo-texnologiya fakultetini 1969-1974-yillarda ta'lim olib, oliygohni bitirganiga 50 yil bo'lgan ustozlar, professor-o'qituvchilar, rahbar xodimlar va talaba-yoshlar ishtirokida anjuman bo'lib o'tdi. Shuningdek, tadbirda Toshkent kimyo-texnologiya instituti rektori Usmonov Botir Shukurillayevich, Iqtisodiy va tashkiliy masalalar bo’yicha prorektor Qodirov Bobiromon Bekmurodovich ham ishtirok etdi.

Dastavval tadbirni institutimiz rektori B.Sh.Usmonov kirish so'zi bilan ochib berdi. Uchrashuvda faxriy professor-o‘qituvchilari yosh avlodga kerakli, tavsiya va maslahatlarini ulashdilar, shuningdek hozirda nafaqaga chiqqan faxriylarning tajribasi, o‘git va maslahatlari yoshlar uchun ibrat maktabi ekanligini ta’kidladilar.