Yakuniy nazorat haftasi oldidan muhim yig‘ilish bo‘lib o‘tdi.

O‘zbekiston Respublikasi Oliy ta’lim, fan va innovatsiyalar vazirining 2024-yil 2-dekabrdagi 452-sonli buyrug‘i ijrosini ta’minlash, shuningdek, Toshkent kimyo-texnologiya institutida ta’lim sifatini oshirish, korrupsiyaviy holatlarning oldini olish hamda talabalar bilimini baholashda ochiq-oshkoralik va shaffoflikni ta’minlash maqsadida tizimli ishlar olib borilmoqda.

Institut rektorining 2025-yil 15-dekabrdagi 458-sonli buyrug‘i asosida shakllantirilgan Ishchi guruhi tomonidan “Toshkent kimyo-texnologiya institutida yakuniy nazorat turini tashkil etish va o‘tkazishning tashkiliy chora-tadbirlari” yuzasidan, yakuniy nazorat haftasi boshlanishi oldidan 2026-yil 10-yanvar kuni dastlabki yig‘ilish o‘tkazildi.

Yig‘ilish davomida:

— yakuniy nazoratlarni tashkil etish mexanizmlari;

— baholash jarayonlarining shaffofligini ta’minlash;

— mas’ul shaxslarning vazifalari;

— mavjud muammolar va ularning yechimlari muhokama qilindi.

Natijada yakuniy nazorat jarayonlarini belgilangan tartibda, adolatli va shaffof o‘tkazish bo‘yicha aniq vazifalar belgilab olindi.