Institutda “Oziq-ovqat texnologiyasi” fakulteti tarkibida “Kimyo texnologiyasining mexanika asoslari” kafedrasi tuzilib, kafedra mudiri lavozimiga 1982 yili Toshkent Politexnika instituti tarkibida “Amaliy mexanika” kafedrasini tashkil etishda amaliy faoliyat ko‘rsatib, unga asos solgan va unga mudirlik qilgan t.f.d., prof. B.A.Shipilevskiy tayinlandi. O‘quv fanlari va mashg‘ulotlarning o‘quv soatlari hajmini e’tiborga olgan holda Toshkent Politexnika institutining “Chizma geometriya va muhandislik grafikasi”, “Nazariy mexanika” va “Amaliy mexanika” kafedralarida faoliyat olib borayotgan professor-o‘qituvchilar taklif etildilar. Jumladan, “Chizma geometriya va muhandislik grafikasi” kafedrasidan katta o‘qituvchilar M.T.Nurullayeva, G.Ya.Sodiqova, Z.T.Abdalieva, R.Axmedjanova, Ye.A.Pismannik, N.M.Sheverdina, “Nazariy mexanika” kafedrasidan t.f.n., , dos. B.A.Musaboyev, “Amaliy mexanika” kafedrasidan t.f.n., dos. A.Gritsenko, t.f.n., dos. N.Z.Sultanov, t.f.n., dos. V.V.Trofimov, t.f.n., dos. A.S.Varnavskiy, t.f.n., dos. O.A.Ergashev, t.f.n., dos. E.I.Turapov, katta o‘qituvchi S.I.Nigmatullayev, ass. G‘.Z.Shamanov, injenerlar R.Abidov, R.Yuldasheva shular jumlasidandir. Kafedra jamoasi Shayxontohur tumani, Shayxontohur ko‘chasi, 10-uyda joylashgan o‘quv binosi (hozirgi Islom universiteti binosi)da o‘z faoliyatini B.A.Shipilevskiy rahbarligi ostida shakllantirib, o‘quv-uslubiy, ilmiy-tadqiqot ishlarini boshladi. Laboratoriya xonalari zamonaviy asbob-uskunalar bilan jihozlandi. Ta’lim olayotgan talabalarga “Chizma geometriya va muhandislik grafikasi”, “Nazariy mexanika”, “Amaliy mexanika”, “Konstruksion materiallar texnologiyasi” va “Soha yuk ko‘tarish-tashish va pnevmotransport qurilmalari” fanlaridan saboq berildi. 1991-1992 o‘quv yilini yakunlab, B.A.Shipilevskiy Isroil davlatiga ko‘chib ketdi. Shu sababli kafedraga 1992 yilning 10 avgustidan dekabrgacha t.f.n., dos. A.T.Turapov, 1993 yildan 2001 yilning dekabr oyigacha t.f.n., dos. E.I.Turapov rahbarlik qildi. Kafedra tarkibiga 1993 yildan assistent lavozimiga N.R.Barakayev 1996 yildan dotsent lavozimida t.f.n., dos. T.Jalolov va B.F.Raxmatovlar qabul qilindi. Islom Universiteti tashkil etilishi munosabati bilan kafedra Chilonzor tumani, Lutfiy ko‘chasi, 8-uyda joylashgan “Fundamental fanlar” fakulteti binosiga ko‘chib o‘tdi. Oliy ta’lim tizimidagi islohotlarni e’tiborga olib, o‘quv mashg‘ulotlari hajmini qayta ko‘rib chiqish va uni zamon talablariga moslashtirish maqsadida “Nazariy mexanika” va “Amaliy mexanika” fanlari birlashtirildi. Yagona fan sifatida “Amaliy mexanika” fanidan o‘quv mashg‘ulotlari olib borish tizimi barpo etildi. Kafedra 2001 yildan “Mexanika asoslari va muhandislik grafikasi” nomi bilan o‘z faoliyatini davom ettira boshladi. 2002-2003 yilning noyabrigacha kafedraga t.f.n., prof. S.Z.G‘ulomitdinov rahbarlik qildi. Kafedra Shayxontohur tumani, Navoiy ko‘chasi, 32-uyda joylashgan institut bosh binosining pastki qavatiga ko‘chirildi. 2003 yil 19 dekabrda kafedra mudiri etib, t.f.n., dots. O.A.Ergashev tayinlandi. Uning rahbarligida kafedra bosh binoning 2-korpusidagi 4-qavatga ko‘chirildi. Kafedra jamoasi bu ko‘chishlarni tashkil etishda faollik ko‘rsatdi. Kafedraga 2008 yil sentabridan Toshkent davlat Texnika universitetini muvaffaqiyatli tugatib, Toshkent Kimyo-texnologiya institutining mazkur kafedrasiga 1993 yil assistent lavozimiga ishga qabul qilinib, ilmiy va pedagogik faoliyatni birgalikda olib borgan, 2002 yil texnika fanlar nomzodi ilmiy darajasi, so‘ngra dotsent lavozimiga sazovor bo‘lgan yosh, iqtidorli xodim N.R.Barakayev rahbar etib tayinlandi. N.R.Barakayev va jamoaning sa’y-harakati bilan shu o‘quv yilida jamoa tarkibi bir necha yosh iqtidorli o‘qituvchilar hamda O‘zR FA M.T.O‘rozboyev nomidagi “Mexanika va inshootlar seysmik mustahkamligi instituti”ning yetakchi ilmiy xodimlari - t.f.d., prof. A.A.Rizayev va t.f.d., prof. G‘.A.Baxadirovlar bilan to‘ldirildi. Shuning bilan birga jamoada dotsentlar B.A.Musaboyev, A.Mo‘ydinov, M.X.Ko‘rganbekov, katta o‘qituvchilar M.T.Nurullayeva, G.Ya.Sodiqova, G‘.Z.Shamanov, E.Sh.Inog‘omov, A.N.Shernayev, Sh.V.Mo‘minov, A.V.Lyamin, R.Rustambekova va assistentlar A.A.Mamaxanov, F.X.Ibragimov, M.I.Nosirov, D.M.Berdiyev, A.N.Berdiyev, E.X.Ne’matov, A.M.Erkayev, M.Karimovlar faoliyat ko‘rsatdi. 2011-2012 o‘quv yilidan boshlab, kafedra t.f.n., dos. N.R.Barakaev rahbarligi ostida «Oziq-ovqat sanoati mashina va jihozlari – mexanika asoslari» mutaxassislik kafedrasiga aylantilrildi. 2012 yilning dekabr oyidan 2014 yil 15 yanvar sanasigacha katta o‘qituvchi A.N. Shernaev kafedra mudiri bo‘lib tayinlandi. Shu munosabat bilan o‘quv va laboratoriya xonalari qayta jihozlandi, ko‘rgazmali stendlar tayyorlanib, ulardan o‘quv mashg‘ulotlari davomida foydalanib kelinmoqda. 2014 yilning 15 yanvaridan 2017 yil 15 sentabr sanasigacha dotsent Safarov T.T. kafedra mudiri bo‘lib ishladi. Ilmiy ishini yakunlab, 2017 yil 15 sentabridan PhD, dotsent Shernaev Anvar Normamatovich kafedraga boshchilik qildi. 2021 yil sentabridan boshlab hozirgi kunga qadar kafedramiz xodimi PhD, dotsent Ibragimov Farhod Xayrullovich kafedraga boshchilik qilib kelmoqda. Hozirda kafedra jamoasi, jumladan, proffesorlar t.f.d. G.A.Baxadirov, t.f.d. A.A.Rizayev, dotsentlar A.N.Shernaev, J.S.Tavbaev, A.V.Lyamin, M.N.To’htashova, katta o’qituvchilar G’.Z.Shamanov, Sh.V.Mo’minov, D.Sh.Saidova, O.Sh.Ahmedov, M.I.Nosirov, assistentlar kafedra miqyosidagi fanlarni talabalar tomonidan chuqur o‘zlashtirishlari uchun bor imkoniyatlarini ishga solib, yosh yetuk mutaxassislarni tayyorlashda fidokorona mehnat qilib, o‘quv-uslubiy, ilmiy-tadqiqot hamda murabbiylik ishlarini olib bormoqdalar. Ibragimov Farhod Xayrullovich boshchiligidagi kafedra a’zolari ilmiy –uslubiy faoliyatga jiddiy e’tibor qaratmoqdalar. O’quv adabiyotlarni yangilash, professor o’qituvchilar tomonidan darslik va o’quv qo’llanmalar chop etish rejasiga asosan ishlar davom etmoqda. Tayanch doktorantlar tomonidan ilmiy ishlar yakuniy bosqichga etganligi uchun bugungi kunda himoyaga tavsiya etilgan. Bir qator ishlab chiqarish korxonalari bilan xo’jalik shartnomalari, o’quv jarayonini ishlab chiqarish korxonalarida tashkil etish borasida “ARTEL” innovatsion o’quv markazida, O’zdonmahsulot zavodida kafedra qoshidagi o’quv auditoriyalari tashkil etilgan. Ilmiy izlanishlar natijasida bir qator yutuqlar qo‘lga kiritilmoqda. Kafedrada yuqori malakali professorlar A.A.Rizaev, G.A.Baxadirov kabi yetuk olimlar talabalarga sifatli dars mashg‘ulotlarini berish bilan birga kafedradagi yosh o‘qituvchilarga ilmiy maslahatlarini berib kelmoqdalar. Kafedrada hozirda 4 nafar fan doktori 5 nafar fan nomzodi faoliyat yuritmoqdalar.