Kafedra mudiri: t.f.n., professor Ruzibayev Akbarali Tursunboyevich

Ruzibayev Akbarali Tursunboyevich 1983 yil 24 sentyabrda Namangan viloyatida tug‘ilgan, millati o‘zbek, ma’lumoti oliy.

A.T. Ruzibayev 2002 yilda Toshkent kimyo-texnologiya institutiga o‘qishga kirgan. 2006 yilda “Oziq- ovqat texnologiyasi (yog‘-moy mahsulotlari texnologiyasi)” ta’lim yo‘nalishi bo‘yicha bakalavriatni, 2008 yilda «Yog‘larni qayta ishlash texnologiyasi» mutaxassisligi bo‘yicha magistraturani imtiyozli tugatib, 2009-2011 yillar davomida aspiranturada o‘qishni davom ettirigan. O‘qish davrida u o‘zini bilim olishga intiluvchanligi, mutaxassilik borasidagi yangiliklarni qunt bilan o‘rganganligi, institut jamoat ishlarida faol qatnashishi bilan ajralib turadi.

A.T. Ruzibayev 2012 yilning 23 iyunida “Katalizatorni detoksikasiyalashning samarali usullari bilan o‘simlik moylarini gidrogenlash jarayonini jadallashtirish” mavzusidagi nomzodlik disertasiya ishini himoya qilgan va 2013 yilning 30 yanvarida texnika fanlari nomzodi ilmiy darajasiga ega bo‘lgan. 2010 yilning sentyabr oyidan “Oziq-ovqat mahsulotlari texnologiyasi” kafedrasida assistent, 2012 yilda katta o‘qituvchi, 2013 yilda dotsent, 2018 yildan kafedra mudiri lavozimida ishlab kelmoqda. Bu yillar davomida A.T. Ruzibayev kafedrani o‘quv-uslubiy qo‘llanmalar bilan ta’minlashda samarali qatnashmoqda. U hammualliflikda 5 ta darsliklar nashr qilgan. Kafedrada bakalavr ta’lim yo‘nalishi va magitratura mutaxassisliklari bo‘yicha malaka talablari, o‘quv rejalar, o‘quv dasturlari va sillabuslarni hamda o‘quv-uslubiy qo‘llanmalar tayyorlashda faol qatnashib kelmoqda. U zamonaviy pedagogik texnologiyalar va ilg‘or pedagogik usullarni dars mashg‘ulotlariga joriy etib bormoqda.

A.T. Ruzibayev raxbarligida kafedrada ilmiy tadqiqot ishlari jadal rivojlanib bormoqda. So‘nggi 5 yil davomida 10 dan ortiq fan nomzodlari (PhD) va 5 dan ortiq fan doktorlari (DSc) yetishib chiqdi. Shuningdek, 10 dan ortiq Scopus va WoS ba’zalarida indeksasiyalangan nufuzli jurnallarda maqolalar, 10 dan ortiq monografiyalar, 100 dan ortiq ilmiy maqolalar nashr etilgan. Shuningdek, 3 ta amaliy loyiha, 10 dan ortiq xo‘jalik va lisenziya shartnomalari bajarilgan.

A.T. Ruzibayev ishda tashabbuskor, jur’atli , to‘g‘ri so‘z , ma’naviy yetukdir. U kafedra va fakultetda institutning jamoaviy tadbirlarida faoldir. U institut jamoasi va talabalari orasida katta xurmatga ega.

A.T. Ruzibayevning samarali xizmatlari va ilm-fan rivojiga qo‘shayotgan xissasini inobatga olib, unga 2021 yilda «O‘zbekiston Respublikasi mustaqilligining 30 yilligi» esdalik nishoni, 2022 yilda “Yog‘-moy sanoati a’lochisi” ko‘krak nishoni berilgan. Shuningdek, Oliy va o‘rta maxsus ta’lim vazirligi, Toshkent shaxar xokimiyati va institut raxbariyati tomonidan faxriy yorliqlar bilan taqdirlangan.

A.T. Ruzibayev 2 nafar tayanch doktorant va 1 nafar mustaqil izlanuvchiga ilmiy rahbarlik qilgan va ular 2020-2021 yillarda kimyo fanlari bo‘yicha falsafa doktori dissertatsiyasini muvaffaqiyatli himoya qilgan:

Salijonova Shaxnozaxon Dilmurodovna – “Yangi turdagi margarin mahsulotlarini olish texnologiyasini takomillashtirish” mavzusidagi dissertatsiyasini, 2021 yil 22 mayda Toshkent kimyo-texnologiya instituti huzuridagi ilmiy darajalar beruvchi DSc.03/30.12.2019.T.04.01 raqamli ilmiy kengashda himoya qilgan. OAKning 2021 yil 30 iyundagi qaroriga binoan texnika fanlari bo‘yicha falsafa doktori ilmiy darajasi berilgan (Diplom– 01 № 004548);

Rahimov Dilshod Po‘latovich – “O‘simlik moylarini modifikatsiyalash jarayoni asosida margarin sanoati yog‘larini ishlab chiqarish texnologiyasini takomillashtirish” mavzusidagi dissertatsiyasini, 2021 yil 24 iyunda Toshkent kimyo-texnologiya instituti huzuridagi ilmiy darajalar beruvchi DSc.03/30.12.2019.T.04.01 raqamli ilmiy kengashda himoya qilgan. OAKning 2021 yil 31 iyuldagi qaroriga binoan texnika fanlari bo‘yicha falsafa doktori ilmiy darajasi berilgan (Diplom– 01 № 004671);

Achilova Sanobar Sabirovna – “Raqobatbardosh margarin olish uchun salomasni rafinatsiyalash jarayonining zamonaviy texnologiyasi” mavzusidagi dissertatsiyasini, 2021 yil 2 dekabrda Toshkent kimyo-texnologiya instituti huzuridagi ilmiy darajalar beruvchi DSc.03/30.12.2019.T.04.01 raqamli ilmiy kengashda himoya qilgan. OAKning 2021 yil 30 dekabrdagi qaroriga binoan texnika fanlari bo‘yicha falsafa doktori ilmiy darajasi berilgan (Diplom– 01 № 005768).

Bugungi kunda 2 nafar tayanch doktorant va 2 nafar mustaqil izlanuvchiga ilmiy rahbarlik qilib kelmoqda.

A.T. Ruzibayev 2013 yildan buyon muntazam ravishda institutning ilmiy-tadqiqot ishlaridagi yetakchi olimlar qatorida faoliyat yuritmoqda. Uning asosiy ijrochiligida quyidagi amaliy va innovasiya loyihalari bajarilgan:

-2012-2014 yillar ГНТП 9-22 «Разработка технологии получения заменителя цельного молока из шротов масличного сырья и рисовой мучки» amaliy loyihasida mas’ul ijrochi;

-2020-2022 yillar AM-FZ-201908159 «Mahalliy xom ashyolar asosida funksional qo‘shimchalar bilan boyitilgan parhezli margarin olish texnologiyasini ishlab chiqish» amaliy loyihasi ijodiy guruh rahbari.

ASOSIY ILMIY VA USLUBIY ISHLARI

A.T. Ruzibayev shu kungacha 117 ta ilmiy ishlari va Oliy ta’lim muassasalari talabalari uchun 5 ta darslik va 1 ta o‘quv qo‘llanmasi chop etilgan. Dotsentlik ilmiy unvonini olgandan so‘ng 57 ta ilmiy ishlari chop etilgan. Jumladan: 3 ta oliy ta’lim muaasasalari talabalari uchun darslik, 1 ta o‘quv qo‘llanma, 5 ta monografiya, 1 ta risola, 20 ta chet el jurnallaridagi va 5 ta respublika jurnallaridagi ilmiy maqolalar, hamda 25 ta chet el va respublikamizdagi anjumanlar to‘plamlaridagi tezislar.

Asosiy ilmiy ishlari:

1. Рузибаев А.Т., Салижанова Ш.Д., Гаипова Ш.С. Разработка рецептуры диетического майонеза функционального назначения // Universum: технические науки: научный журнал. – № 9(66), 2019, с.39-44 (mualliflik ishtiroki 50%)

2. Ruzibayev A.T., RahimovD.P. Salijanova Sh.D. Cottonseed oil as a valuable raw material to obtain trans-free margarine(scopus) // Journal of Critical Reviews. ISSN- 2394-5125.Vol 7, Issue 9, 2020. 572-577 pages. (mualliflik ishtiroki 60%)

3. Ruzibayev A.T., Salijanova Sh.D. Formulation of Low Saturated Margarine for Preventive Nutrition(scopus) // International Journal of Emerging Trends in Engineering Research. ISSN- 2347-3983. Volume8, №.7, 2020. 3447-3451pages. (mualliflik ishtiroki 50%)

4. Ro‘zibayev A.T., Salijanova Sh.D. Rahimov D.P. Fayzullayev А.Z. Ochilova S.S. Mahalliy yog’li hom ashyolarni samarali qayta ishlash va ular asosida margarin ishlab chiqarish / Monografiya – Т.: “O’zbekiston halqaro islom akademiyasi” nashriyot-matbaa birlashmasi, 2020. 114 bet. (mualliflik ishtiroki 30%)

5. Ruzibayev A.T., Salijonova Sh.D., Khakimova Z.А., Gaipova Sh.S., Fayzullayev А.Z. Formulation of mayonnaise recipe enriched with biological active compounds of sesame cake, // IOP Conference Series: Earth and Environmental Science journal IOP Publishing- 2394-5125.Vol 7, Issue 9, 2021.1-7 pages. (mualliflik ishtiroki 40%)

6. Ruzibayev A.T., Abdurahimov A.A., Khakimova Z.А., Gaipova Sh.S., Akbarov M. Study of compatibility of commercial mayonnaises to food safety criteria in Uzbekistan// NeuroQuantology, 2022, Volume 20, Issue 11, Page 1575-1583 (mualliflik ishtiroki 20%)

7. Ruzibayev A.T., Salijanova Sh.D. Khakimova Z.А. Akbarov M. Rakhimova G. Comparison of the Physicochemical Characteristics of commercial margarines in Uzbekistan and formulate trans-free margarine recipe based on local raw materials // International Journal of Early Childhood Special Education (INT-JECSE). Vol 14, Issue 05 2022. Page 7119-7125(mualliflik ishtiroki 40%)

8. Ruzibayev A.T., Sh.D. Salijonova. Researching of the shelf life and quality of margarine enriched in inulin // Chemistry and chemical engineering: vol. 2022: No. 1, article 11. Volume 2022. – 66-70p. (mualliflik ishtiroki 60%)

9. Ro‘zibayev A.T., Sh.D.Salijonova, D.P.Rahimov. Diabetik margarin retsepti va texnologiyasi. / Monografiya - Toshkent: Poytaxt exclusive nashriyoti, 2022. – 116b.

10. Ro‘zibayev A.T. Dispers katalizatodan samarali foydalanish usullarini qo’llab margarin sanoati uchun chuqur gidrogenlangan salomas olish texnologiyasini takomillashtirish / Monografiya - Toshkent: Poytaxt exclusive nashriyoti, 2022. – 94b.

O‘quv - uslubiy ishlari:

Dotsentlik ilmiy unvornini olgandan keyin 3 ta OTM talabalari uchun darslik, 2 ta o‘quv qo‘llanma, uslubiy ko‘rsatmalar va o‘quv-uslubiy majmualar chop etilgan. Shundan pedagogik amaliyotda foydalanilayotgan ishlar:

1. Ro‘ziboyev A.T., Y. Q. Qodirov, A.A. Abduraximov. Yog’larni rafinatsiyalash va katalitik modifikatsiyalash. “Oziq-ovqat mahsulotlari ishlab chiqarish va qayta ishlash texnologiyasi” mutaxassisligi uchun darslik, Ijod-Print, T. 2021, 320 bet.

2. Ro‘ziboyev A.T., A.A. Abduraximov, A.N. Ahmedov. O’simlik moylari ishlab chiqarish texnologiyasining maxsus boblari. “Oziq-ovqat mahsulotlari ishlab chiqarish va qayta ishlash texnologiyasi” mutaxassisligi uchun o’quv qo’llanma, Poytaxt exclusive, T. 2022, 240 bet.

3. Ro‘ziboyev A.T., Y. Q. Qodirov, A.A. Abduraximov. Yog’larni rafinatsiyalash va katalitik modifikatsiyalash. Oliy o’quv yurtining 70720101 (5A321001) – «Oziq-ovqat mahsulotlarini ishlab chiqarish va qayta ishlash texnologiyalari (yog’-moy mahsulotlari)» magistratura mutaxassisligi talabalari uchun darslik, - Shafoat Nur Fayz, T. 2022. - 272 b.

4. Ro‘ziboyev A.T., Salijanova Sh.D. Qattiq yogʻlar va yuvuvchi vositalar ishlab chiqarish texnologiyasi. 70720101 – «Oziq-ovqat mahsulotlarini ishlab chiqarish va qayta ishlash texnologiyasi (yogʻ-moy mahsulotlari)» magistratura mutaxassisligi talabalari uchun darslik, - History and Page, T. 2022. - 152 b. 

5. Oziq-ovqat va parfyumeriya-kosmetika mahsulotlari texnologiyasi kafedrasi

Kafedra tarixi

Yog‘ va moylar texnologiyasi hamda don va don mahsulotlari texnologiyasi yo‘nalishlari dastlab mustaqil kafedralar bo‘lganligi uchun har biri o‘zining rivojlanish tarixiga ega. 2005-yil sentabr oyida “Don va don mahsulotlari texnologiyasi” kafedrasi “Yog‘ va moylar texnologiyasi” kafedrasi bilan birlashib “Yog‘-moy va don mahsulotlari texnologiyasi” nomi berilgan. 2011-yil sentabr oyida “Qand va bijg‘itish mahsulotlari texnologiyasi” kafedrasi qo‘shilgach “Oziq-ovqat mahsulotlari texnologiyasi” kafedrasi nomi berilgan va kafedrada to‘rt taʼlim yo‘nalishida kadrlar tayyorlana boshlagan. 2018-yilda “Qand va bijg‘itish mahsulotlari texnologiyasi” taʼlim yo‘nalishi alohida fakultet bo‘lib ajralib chiqdi.

Hozirgi kunda kafedrada 6 ta professor, 14 ta dotsent, 7 ta katta o‘qituvchi, 3 ta assistent, 10 ta stajyor-o‘qituvchi, tadqiqotchi-izlanuvchilar, laboratoriya mudiri va laborantlar mehnat qilishmoqda.

“Yog‘ va moylar texnologiyasi” yo‘nalishi tarixi:

1940-yilda professor M.E.Elgort tavsiyasi bilan Orta Osiyo Davlat Universiteti qoshida «Organik kimyo va yog‘lar texnologiyasi» kafedrasi ochildi va bu kafedra O‘rta Osiyo Sanoat instituti tarkibiga kiritildi. 1946-yilda kafedra «Organik kimyo» va «Yog‘lar texnologiyasi» nomli mustaqil kafedralarga ajratildi. O‘sha yillari kafedraga professor M.I.Niyozov rahbarlik qilgan. Kafedraning birinchi o‘qituvchilari B.T.Zabramniy, D.T.Kats, Z.U.Usmonova va А.S. Magdamovlardan iborat edi.

Kafedraga 1953-1962-yillari akademik А.I.Glyushenkova, 1962-1989-yillari professor А.Аbduraximov mudirlik qilgan. 1989-yildan 1993-yilgacha esa, dotsent Y.Qodirov, 1993-1995-yillarda dotsent P.Ilxamdjonov kafedra mudiri bo‘lgan. Kafedraga 1995-2010-yillarda t.f.d., professor Y.Qodirov, 2010-2016-yillarda dotsent Q.P.Serkaev, 2016-2018-yillarda t.f.n. U.K.Аbdullaev mudirlik qilgan. Kafedraga 2018-yildan shu kunga qadar t.f.n., professor А.T.Ruzibayev mudirlik qilmoqda.

Kafedrada turli yillarda professor R.Mirzakarimov, dotsent А.Inogamov, dotsent M.T.Tursunov, dotsent Z.X.Qodirova, dotsent T.Аbdullaev, t.f.d. T.T.Mirxolikov, t.f.d. M.А.Raximjonov, k.f.n. M.S.Ergashev, t.f.n. Sh.Sharafuddinov, t.f.d., professor А.T.Ilyasovlar mehnat faoliyatlarini olib borishgan.

Kafedrada 3000 dan ziyodroq mutaxassis kadrlar tayyorlangan. Kafedrani muvaffaqiyatli bitirgan bir qator mutahasislarimiz Markaziy Osiyo va O‘zbekiston Respublikasi yog‘-moy korxonalarida, loyihalash va ilmiy tadqiqot institutlarida va yuqori Davlat muassasalarida faoliyat olib borishgan. O‘zbekiston Fanlar Аkademiyasi akademigi Z.S.Salimov, akademiklar N.R.Yusupbekov, А.I.Glushenkova, M.F.Аbidovalar shular jumlasidandir.

1980-yilda “Yog‘lar texnologiyasi” kafedrasi qoshida “Gossipol” tarmoq ilmiy tadqiqot laboratoriyasi tashkil etildi. Uni tashkilotchisi professor R.M.Mirzakarimov bo‘lib, 1990-yilgacha ushbu laboratoriyaga ilmiy rahbar bo‘lgan. 1990-2006-yillarda laboratoriyaga t.f.d., professor А.T.Ilyasov, 2006-2016-yillarda dotsent Q.P.Serkaev mudirlik qilgan. Hozirgi kunda t.f.n., professor А.T. Ruzibayev mudirlik qilmoqda.

Kafedrada 10 dan ortiq fan doktori va 30 dan ortiq fan nomzodi dissertatsiyalari himoya qilindi, 100 dan ortiq ixtirolar yaratildi 3000 dan ortiq maqolalar chop qilindi.

“Don va don mahsulotlari texnologiyasi” yo‘nalishi tarixi:

Don tayyorlov Vazirligi talabiga binoan Respublika Oliy o‘rta maxsus ta’lim vazirligiga qarashli Toshkent Politexnika instituti kimyo texnologiya fakultetiga 1975 yil “Donni saqlash va qayta ishlash texnologiyasi” ixtisosligiga talabalar qabul qilindi. Mutaxassislik fanlarini o‘qitishda “Don tayyorlov vazirligi”dan yetakchi mutaxassislar jalb etildi. 1978 yili “Don tayyorlov vazirligi” gidagi texnika boshqarmasining boshlig‘i “Respublikada xizmat ko‘rsatgan injener”, iqtisod fanlari nomzodi P.M.Tursunxo‘jaev “Donni saqlash va qayta ishlash texnologiyasi” kafedrasi mudiri sifatida faoliyat ko‘rsata boshladi. Kafedra tashkil bo‘lgandan so‘ng, yuqori unumli texnika va texnologiya bilan jixozlangan un-yorma va omixta yem ishlab chiqarish korxonalari bilan shartnoma asosida amaliyotga yuborish, yetuk olimlarni ma’ruza o‘qish uchun taklif qilish, uslubiy ko'rsatma, maxsus adabiet, kurs va diplom ishlarini Odessa va Moskva oziq-ovqat institutlari namunalari bilan jixozlandi. O‘quv rejaga asosan belgilangan malakaviy amaliyotlar asosan Respublikadagi donni qayta ishlash korxonalarida, hamda Leningrad, Moskva, Novosibirsk, Dushanbe shaharlaridagi yangi texnika va texnologiyalar bilan jixozlangan korxonalarda o‘tkazilgan.

Kafedra tashkil topgan vaqtdan boshlab ixtisoslik buyicha 1000 dan ortiq mutaxassislar tayyorlangan, shulardan R.E.Zufarov, Z.Z.Shukurov, N.K. Ayxodjayeva, D.A.Gafurova, S.Boboyev, T.S.Nikolayenkov, U.N.Boltaboyev, G.Z.Djaxangirova, A.M.Normatov, S.S.Ravshanov, E.Sh.Sanaev va boshqalar texnika fanlari doktori, texnika fanlari nomzodi, texnika fanlari falsafa doktori ilmiy darajalariga erishdilar.

“Donni saqlash va qayta ishlash texnologiyasi” mutaxassisligini tugatgan talabalardan Sh.U.Muxamadjanov O‘zbekiston Respublikasi “O‘zdonmahsulot" Davlat aksionerlik kompaniyasining vaziri, R.E.Zufarov O'zbekiston Respublikasi Vazirlar Mahkamasi xuzuridagi “Davlat don inspektsiyasi” raisi, S.Saidaxmedov Jizzax viloyati, don mahsulotlari ishlab chiqaruvchilar assosiasiyasining bosh raisi, S. Jumanov Qashqadaryo viloyati don mahsulotlari ishlab chiqaruvchilar assosiasiyasining - bosh raisi, O.Chutov “Sho‘rchidon mahsulotlari” AJ ishlab chiqarish korxonasining raisi, X.E.Axmadxo‘jaev “Dar-As-Salom” don mahsulotlari ishlab chiqarish korxonasi raisi, N.A.Irisbekov va F.Nurmatovlar “Toshkentdonmahsulotlari” korxonasining raislari, Z.Z. Shukurov “Kogon” un ishlab chiqarish korxonasining raisi, F.R. Raxmatullaev “Toshkent non shaxri” un zavodining direktori, g.Erimbetova Nukus un ishlab chiqarish korxona direktori, A.Temirov Shaxrisabz un ishlab chiqarish korxona raisi va O‘zbekistan Oliy Majlis deputati, S.U.Xo‘jaev Toshkent “G‘alla-Alteg” AJ korxona raisi muovini, D.A. G‘afurova “Donmahsulotlari” IIChM direktori, B.A. Maxmadaminov “BESHEFAR GROUP” MCHJ un ishlab chiqarish korxonasi ta’sischisi lavozimlarida ish olib bormoqdalar.

1982 yili Buxoro oziq-ovqat va yengil sanoat instituti ochilishi munosabati bilan kafedra Buxoro institutiga ko‘chirildi. Soxada kadrlarning yetishmasligi sababli 1993 yilda yana kafedra Toshkent kimyo – texnologiya institutida ochildi. Kafedra mudiri qilib, “Kimyo sanoati iqtisodiyoti va uni tashkil qilish” kafedrasi mudiri lavozimida ishlab turgan dots. P.M.Tursunxo‘jaev tayinlanadi.

Kafedraga 1995-1996 yillarda prof. M.Raximjonov, 1996-2004 yillarda dots. N.K.Ayxodjaeva, 2004-2005 yillarda dots. t.f.d. T.T.Mirxoliqov mudirlik qilishdi, 2005 yil sentyabr oyida kafedra “Yog‘ va moylar texnologiyasi” kafedrasi bilan birlashib “Yog‘-moy va don maxsulotlari texnologiyasi” nomi berildi va bu kafedraga t.f.d., prof. Y.Q.Kodirov mudir etib tayinlandi. 2011-2012 o‘quv yilidan boshlab, kafedra “Oziq-ovqat mahsulotlari texnologiyasi” nomlanib, bunda don mahsulotlari texnologiyasi, yog‘-moy mahsulotlari texnologiyasi, qand va bijg‘ish mahsulotlari texnologiyasi yo‘nalishlari faoliyat ko‘rsatmoqda.

Yo‘nalish professor-o‘qituvchilari, doktorantlari, magistr, ilmiy izlanuvchi talabalari “Toshkentdonmaxsulot” AJ, “G‘alla-Alteg” AJ korxonalari, “ToshkentNonNIChU” uyushmasi hamda “Donmahsulotlari” IIChM korxonalari va O‘zbekiston Fanlar Akademiyasi tarkibidagi “O‘simlik moddalari kimyosi” instituti bilan o‘z ilmiy tadqiqot ishlarini bajarib kelmokdalar.

Oziq-ovqat va parfyumeriya-kosmetika mahsulotlari texnologiyasi kafedrasi

“Oziq-ovqat va parfyumeriya-kosmetika mahsulotlari texnologiyasi” kafedrasi o‘zining ta’lim va fan sohasidagi faoliyatini dunyodagi yetakchi oliy ta’lim muassasalari va ilmiy guruhlari tomonidan foydalanib kelinayotgan samarador usullar asosida olib boradi. Bu esa o‘z navbatida, dunyoning yetakchi oliy ta’lim muassasalari (OTM), ilmiy tadqiqot institutlari (ITI) va ishlab chiqarish korporatsiyalari bilan uzviy munosabatda bo‘lishini ta’minlaydi. Kafedrada bakalavr, magistratura, tayanch doktorantura (PhD) va doktorantura (DSc) bosqichlarida kadrlar tayyorlanadi.

-60720200 – Yog‘lar, efir moylari va parfyumeriya-kosmetika mahsulotlari texnologiyasi ta’lim yo‘nalishi bo‘yicha bakalavriat bitiruvchilari ishlab chiqarish texnologiyalari sohasidagi ta’lim yo‘nalishini tamomlagandan so‘ng parfyumeriya-kosmetika va oziq-ovqat sanoatining ishlab chiqarish korxonalarida, sohaga oid tashkilotlarda, ilmiy tadqiqot mussasalarida, ilmiy va tahlil laboratoriyalarida kompleks masalalarni yechish huquqiga ega bo‘ladi.

Innovatsion ta’lim va fan texnologiyalari qo‘llanilib va doimiy ravishda yangilanib, shuning bilan birgalikda kafedrada mavjud ilmiy yo‘nalishlar muntazam rivojlantirilib kelinmoqda. Ishlab chiqarish va tegishli sanoat korxonalari bilan doimiy hamkorlik yuqori ilmiy salohiyatga ega bo‘lgan yosh kadrlarni yetishtirishda muhim omillardan biri hisoblanib, hozirgi kunda kafedra Respublikamizdagi barcha hududlardagi zamonaviy korxonalar bilan bir qatorda xorijiy OTMlar bilan ham xamkorlik aloqalarni yo‘lga qo‘ygan.