60710100-Kimyo muhandisligi (yuqori molekulali birikmalar texnologiyasi) ta’lim yo‘nalishi ta’lim oluvchi bir semestrda 30 kredit, bir o‘quv yilida 60 kredit to‘plashi zarur. O‘qish muddati 4 yil bo‘lib,talaba dastur yakunlangunga qadar 240 kredit to‘lashi kerak. Talaba uchun bir ECTS kreditning soatlardagi miqdori 30 akademik soatni tashkil etib, talabaning bir yillik o‘quv yuklamasi 1800 akademik soatdan iborat bo‘ladi. Shundan – 40% auditoriya soati, 60% mustaqil ta’lim soatiga bo‘linadi. Semestr davomida talaba tomonidan o‘zlashtirilishi lozim bo‘lgan kreditlar hajmi fanlar katalogida ko‘rsatilgan majburiy va tanlov fanlarini o‘z ichiga oladi.
Kunduzgi ta'lim dasturi haqida
Belgilangan to‘lov miqdorining kamida 25 foizini talabalikka tavsiya etilgan abituriyentlar 15-sentabrgacha yoki O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi tomonidan belgilangan muddatgacha to‘lashi mumkin. Ikkinchi va undan keyingi bosqich talabalar belgilangan to‘lov miqdorining kamida 25 foizini 1-oktabrgacha yoki oliy ta’lim muassasasi rektori (filial direktori) tomonidan uzaytirilgan muddatgacha to‘lashiga ruxsat berildi.
Belgilangan to‘lov miqdorining kamida 50 foizi 1-yanvargacha, 75 foizi 1-aprelgacha va 100 foizi 1-iyulgacha yoki oliy ta’lim muassasasi rektori (filial direktori) tomonidan uzaytirilgan muddatlargacha to‘lanishi mumkin.
Xorijiy fuqarolar to‘lovlarni oliy ta’lim muassasasi rektori (filial direktori) tomonidan belgilangan muddatlargacha amalga oshirishi kerak.
Tabaqalashtirilgan to‘lov-kontrakt (superkontrakt) asosida talabalikka tavsiya etilgan abituriyentlar uchun o‘quv yilining birinchi yarmi uchun to‘lovlarni amalga oshirish muddati va miqdorlari O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi tomonidan va qolgan qismi oliy ta’lim muassasasi rektori (filial direktori) tomonidan belgilangan muddatlargacha amalga oshiriladi.
Sizning bilimingiz va amaliy ko'nikmalaringiz sizga quyidagilarga imkon beradi:
Yuqori molekulali birikmalar sohasiga oid nazariy, amaliy, ilmiy matematika, fizika, chizma geometriyasi va axborot texnologiyalari tamoyillarini tushuntira oladi;
Kimyoviy reaksiyalar tamoyillarini, kimyoviy kinetikasini, yuqori molekulali birikmalar tuzilishini, kelib chiqish asoslarini tavsiflay oladi; instrumental tahlil usullari, ularning yuqori molekulali birikmalar texnologiyasida qo‘llanilishini tushuntira oladi;
Yuqori molekulali birikmalarning asosiy nazariy jihatlari va tushunchalarini tavsiflay oladi va yuqori molekulali birikmalar (polimer, oligomer, monomer moddalar) ishlab chiqarish malakasiga ega;
Yuqori molekulali birikmalar texnologiyasining boshqa fanlar (rezina texnik buyumlar texnologiyasi, lok-bo’yoq materiallar, qopla hosil qiluvchi materiallar, polimer kompozitsion materiallar taxnologiyasi) bilan aloqasini tushuntira oladi;
Kengroq multidisipliner kontekstni tushuntira oladi va boshqa texnologiyalarning usullari va jarayonlarini qo'llay oladi; sanoat jarayonlarini tushuntira oladi.
