Haqida
Ushbu fakultet sobiq ToshPI- ning kimyo texnologiya fakulteti tasarrufidagi mineral o’g’itlar, noorganik moddalar, qurilish materiallari va elektrokimyoviy ishlab chiqarish sohalariga mutaxassis kadrlar tayyorlab beruvchi kafedralar negizida 1991 yil tashkil etildi.Fakultetda mahalliy xom-ashyolar va chiqindilar asosida quyidagi yo’nalishlarda:
-yangi turdagi mineral o’g’itlar ishlab chiqarish;
-bog’lovchi moddalar olish;
-keramika, shisha va sitallar yaratish;
-chinni buyumlar ishlab chiqarish;
-korroziyaga qarshi samarador ingibitorlar sintez qilish;
-kamyob, nodir, tarqoq metallar kimyosi va tabiati asosida yangi kimyoviy sinf birikmalariini olish;
-sanoat korxonalariga ekologik toza texnologiyalarni joriy etish bo’yicha ilmiy maktablar tomonidan ijodiy tadqiqotlar olib borilmoqda.
Maqsadi
Ta’lim sifatini yaxshilash borasidagi ilg‘or xorijiy tajribalarni o‘rganish va amaliyotga tatbiq etish jarayonlarini jadallashtirish, zamonaviy axborot-kommunikatsiya texnologiyalari asosida masofaviy ta’lim dasturlaridan foydalangan xolda o‘quv mashg‘ulotlarini olib borish hamda fanlardan o‘quv dasturlarini takomillashtirish, shuningdk, kimyo sanoati uchun yuqori malakali mutaxassislar tayyorlaydigan hamda kimyo, kimyo muhandisligi, oziq-ovqat texnologiyasi yo‘nalishlarida yuqori sifatli va dolzarb ilmiy tadqiqotlar olib boruvchi mamlakatimizning yetakchi ta’lim muassasasiga aylanishdan iborat.
